Pyllait um ka MePGCL na ka pung Umiam ban lait na ka jingshlei

Syllad | The Rising MeghalayaAugust 23, 2024

Da kaba shimkhia halor ka jingmaham jong ka tnad Indian Meteorological Department (IMD) halor ka jinglah ban hap slap ha kine ki hynniew sngi ki ban wan, na ka liang ka Meghalaya Power Generation Corpoartion Limited (MePGCL) ka la pyllait noh ia ka um na ka pung Umiam kaba la sdang naduh ka por 23:40 baje jong ka 21 tarik.

Kane ka jingpyllait um ka long ruh ban shim ia ki sienjam ban lait na ka jingshlei um kaba lah ban wan jia. Ka jingdon jong ka um hapoh kane ka pung ka la kot sha ka 3216.15 phut shwa ban sdang pyllait ia ka um.

Na ka liang ka MePGCL ka la jurip bniah ia ka jinglong jingman bad kan iai bteng ban khmih bad antad halor ka jingplie ia ka khyrdop pyllait um khnang ban pynthikna na ka bynta ka jingshngain jong ka dam bad na ka jingma kaba lah ban ktah ia ki jaka kiba don sha them.