Pyllait u Myntri Rangbah T.40 klur ka bhah khajna ka JHADC, sngewnguh u ma Thombor Shiwat

Syllad | The Rising MeghalayaJanuary 21, 2025

U Myntri Rangbah ka Jylla Conrad K Sangma haka 21 tarik Kyllalyngkot ula pyllait haduh T.40 klur ka bhah khajna na u dewiong iaka Jaintia Hils Autonomous District Council (JHADC).

Ia kane ula sanction order ula aiti ha u Chief Executive Member JHADC ma Thombor Shiwat haka jingleit iuhkjat haka sien nyngkong eh ka jong u iaka ophis treikam jong ka konsil hadien ka prokram Meghalaya Day kaba long ha District Library Auditorium, Jowai.

Ha kane ka sngi la iadonlang ki ar ngut ki symbud myntri rangbah u Bah Prestone Tynsong, u ma Sniawbhalang Dhar, ki myntri sorkar ba kynthup ia u ma Comingone Ymbon, u AT Mondal, MLA Jowai Wailadmiki Shylla nalor ki dkhot Executive Committee ka Konsil

Na kaliang u ma CEM Thombor Shiwat ula pynpaw iaka jingsngewnguh ia u Myntri Rangbah Conrad K Sangma uba la shimkhia ban pyllait ia kane ka bhah khajna na ka bynta ba ka konsil ba kan ioh ban siew iaka tulop jong ki nongtrei kaba la kynjoh sha ka 12 bnai naduh u Lber 2024.

U Ma Thombor ula khublei ruh iaki kumjuh ia ki ar ngut ki Symbud Myntri Rangbah bad u MLA kiba la shimkhia ban iasaid na ka bynta ban pyllait ia kane ka bhah khajna ka konsil ban pynjem iaka jingeh ki nogtrei bad kumjuh ki dkhot ka konsil.