Pyllait u ma Brightstar Chyrmang ïaki ticket lucky draw ka Ladthadlaboh Dorbar Chnong

Syllad | The Rising MeghalayaSeptember 11, 2019

JOWAI: Kumba ju long man la ka snem, Ka Dorbar Chnong Ladthadlaboh kan pynlong biang ïaka iew fete bad kala dep ruh ban pyllait ïaki ticket lucky draw ha kaba u MDC jong ka Jowai North u Ma Brightstar Chyrmang ula pyllait paidbah ïakine ki ticket kaban pynkhalai haka 6 tarik u Naiwieng (November) 2019.

Ïa kine ki ticket lucky draw u Ma Brighstar ula pyllait paidbah ha ophis jong ka Dorbar Chnong haka jingadonlang u Acting Waheh Shnong ka Ladthadlaboh Dorbar Chnong, Russel Nongrum, u General Secretary Ladthadlaboh ABM Shullai, u Sceretary Lucky Draw Samuel Lyngdoh bad u Assistant Waheh Chnong u ma S Bareh.

La iadonlang ruh ki dkhot ka Executive Body bad ki dkhot ka Shnong.

Ka Ladthadlaboh Dorbar Chnong ka pynlong ïaka iew fete manla u snem na ka bynta ban pynmih pisa ban tei iaka ïing skul kaba dang iaid shait shait mynta bad ban siew ïaka tulop nonghikai haka kyrdan Secondary.

Ka Dorbar Chnong ka kyrpad ïa baroh ki paidbah ban ai ka jingkyrshan ia kane ka iew fete bad ka Lucky kumba phi la ju ai ha manla ki snem khnang ba ka jingthmu jong ka Dorbar Chong kan long kaba jop.

U Ma Brightsar haba kren haka jingïalang pyllait paidbah iaki ticket ula kitbok kitrwiang ïaka Dorbar Chnong ba kan lah ban pyniaid iew bha iaki ticket khnang ba ki jingangnud bad ki jingthmu ba bha ka shnong kin long kiba jop.

Ka iew fete jong ka Ladthadlaboh kan long haka 5 bad 6 tarik u Naiwieng (November) bad iaka Lucky draw yn pynkhalai haka 6 tarik Naiwieng.

Ki Prize Lucky Draw ha une u snem:
1st Prize :- Maruti Swift
2nd Prize :- Mahindra Jeeto
3rd Prize :- Yamaha Ray-Z
Consolation Prize :- 3 tylli T. 10,000/-