Pyllait symbai dohkha ha Um Dalong Fish Sanctuary, pynkhuid iaka shnong bad Ialong Tourist Spot

Syllad | The Rising MeghalayaMay 2, 2021

Ka Dorbar Shnong Ialong haka 1 Jymmang kala pyllait iaki symbai dohkha haka Umdalong Fish Sanctuary bad kala pynlong ruh iaka jingpynkhuid shnong bad buh iaki jaka bret ñiut kiba la ai da ka tnad Tourism jong ka Jylla.

Ia kane ka jingpynkhuid shnong la pynlong da ka Village Organisation bad ka bor shnong.

Ka VDP shnong kala leit jurip ruh iaki ki jingtei kiba don haki jaka jngohkai ha Ialong Tourist spot bad kiwei kiwei ban peit iaka jingshngain ki nongwan kai bad la iaid pahara ruh ha kiba bun ki jaka ban peit iaka shongsuk shongshngain.

U Waheh Shnong Ialong u ma T Ram Phawa ula ong ba da ki hajar tylli ki symbai dohkha kila pyllait Um-Dalong Fish Sanctuary kaba ka dorbar shnong kala pynkylla sanctuary danshen ban pynneh pynsah iaki dohum dohpnat. Ka jingthmu kalong ban pynitynnad shuh shuh ia kane ka jaka ban khring iaki nongwan jngohkai kaba dei kawei na ki lad ba aikam aijam iaki nongshong shnong.

Ula pyntip ruh bala khang pyrshah ban khwai bad tong dohkha ban bret pathar iaki niut ki nier  bad ban sah camping, ban sum ban sait bad ban bam khana ha kane ka jaka kaba la pynbna fish sanctuary.