Pyllait skhim jingiarap shah lyngshop bor mariang u MLA Jowai

Syllad | The Rising MeghalayaJune 26, 2021

U MLA Jowai ma Wailadmiki Shylla ula pyllait paidbah iaka skim sha kiba shah ktah haka jingpynjulor ka bor mariang sha ki 800 tylli ki longiing haka sngi Saitjain.

Kane ka skim iarap ia kiba shah ktah haka bor mariang ka dei ka Special Rural Works Programme (SRWP) 2020 kaba mar T.5000/-.

Haka jingsam mynta ka sngi haka shhnong Khliehtyrshi ki don haduh 40 ngut kiba la ioh jingmyntoi na kane ka skim MLA.

U ma Wailadmiki ula ong kane ka skim ka dei jong u snem 2020, namar ka jingwan lyngshop ka khlam ym shym la ioh ban pyllait ia kane ka jingiarap. Ula ong ruh baroh ki nongioh jingmyntoi la ai beit da ka cheque khnang baka pisa kan rung haka account jong ki nongioh myntoi.

Ha kane ka jingsam MLA skhim la iadonlang u waheh shnong Khliehtyrshi u ma Kitboklang Rymbai nalor kiwei kiwei ki dkhot shnong.