Pyllait paidbah u ma Andrew Shullai iaka kali SUV Nissan Magnite ha Jowai

Syllad | The Rising MeghalayaDecember 11, 2020

U Ma Andrew Shullai, MDC jong ka Jowai Central ula pyllait paidbah iaka kali SUV thymmai kaba la tip kum ka Nissan Magnite ha showroom jong ka Orange Nissan, Jowai kaba don ha Loomsooiung Newhill, Jowai haka sngi Thohdieng.

Ha kane ka jingpyllait paidbah ia kane ka kali la iadonlang ruh u Phadar Hilarius Lamare, U Managing Director jong ka Orange Nissan u Bah Shemphang Lyngdoh, u General Manager ka Orange Nissan, Shillong Bah Kyrshan Khongwir nalor u Manager ka Jowai u ma Knowingly Litting bad kiba shah khot sngewbha bad kiwei kiwei.

U Ma Andrew Shullai haba kren ula ong “Kane ka kali Nissan Magnite ka khampher ban ia kiwei ki kali bad ka iahap bha bad ka juk kaba mynta namar ba la shna iaka ha kata ka dur kaba iadei bad ka juk mynta kaba u trai kali u sngewshngain haba pyndonkam bad niah ia kane ka kali.”

Ula kitbok kitrwiang ia ka Orange Nissan ba kan lah ban pyniaid iew bha ia kane ka kali bad khot wer iaki paidbah kiba kwah thied kali ban wan sha ka showroom kaba jan ha rilum Jaintia kaba don ha Jowai jong ka Nissan ban test ia kane ka kali.

U General Manager ka Orange Nissan u Bah Khongwir ula iathuh ba haduh mynta ki don haduh 128 ngut kiba la book iaka kali ha Jylla.

“Ka tarik ban book kaba la tip kum Special introductory ia kane ka kali ka long haduh 31^st Nohprah 2020 bad ka dor jong kane ka kali ka dei naduh ka model 1.0L B4D Petrol MT | XE kaba shongdor T.4.99 lak bad ka model 1.0L HRA0 Turbo Petrol MT | XV Premium ka long T.8.45 lak,” la ong u bah Khongwir.

Kino kino kiba kwah ban thied ia kane ka kali ha jylla ki lah wad jingtip da kaba phone ha kine ki number 9089173893/9402546444.