Pyllait paidbah Lion Mission Compound Dorbar Shnong iaki ticket lucky draw

Syllad | The Rising MeghalayaAugust 27, 2025

Ka Lion Mission Compound Dorbar Shnong haka 26 tarik Nailar kala pyllait paidbah iaki ticket lucky draw na ka bynta ban pynmih pisa ban shna iaka community hall jong ka shnong.

Ia kine ki ticket la pyllait paidbah da u Waheh Chnong Ma D.H Synrem haka jingiadonlang ki nongkitkam bad dkhot shnong.

Ka khusnam ka dei da ka pisa bad khusnam nyngkong ka dei T.1,50,000, kaba ar T.50,000, kaba lai T.25,000 bad 5 tylli ki consolation prize kaba mar T.5,000.

Ka jingpynkhalai ia kane ka lucky draw kan long haka 31 tarik Risaw (October) 2025. Ka iew fete kan long haka 30 bad 31 tarik Risaw.

Ka dorbar shnong kala kyntu ia baroh ki nongkyrshan bad ki paidbah ban thied kylluid mynsiem iaki ticket ban ai jingkyrshan na ka bynta kane ka jingthmu jong ka shnong.