Pyllait paidbah ka Kong Violet Lyngdoh ïaki ticket lucky draw Khlieriat West

Syllad | The Rising MeghalayaAugust 10, 2019

KHLIEHRIAT: Ka Kong Violet Lyngdoh, MDC barim jong ka Jaiñtia Hills Autonomous District Council (JHADC) kala pyllait paidbah ïaki ticket lucky draw jong ka Khliehriat West Youth Welfare Sport Club (KWYWSC) ha ïing dorbar jong ka Khliehriat West haka sngi Saitjaiñ.

Ka Khliehriat West Youth Welfare Sport Club (KWYWSC) kala shim ïa kane ka sienjam ban pynmih da ki ticket lucky draw ka dei na ka bynta ban pynmih pisa ïaka club ban kyntiew ïaka kam ïalehkai ki khun samla ka shnong.

Ka KWYWSC ka angnud bad buh ïaka thong ban kyntiew bad plie lad ïaki samla ban ïashimbynta haka jingïalehkai Basketball, Badminton, Cricket bad kiwei kiwei nalor ka Football kaba kane ka club ka paw bha ha East Jaiñtia Hills District.

Ha kane ka jingpyllait ïa kine ki ticket nalor ka Kong Violet Lyngdoh la adonlang u Rangbah Shnong ka Khliehriat West, Ma Langmon Bareh bad u Chairman Shnong Ma Witing Bareh.

Ki prize ki long ka WAGON R (1st Prize), Alto 800 (2nd Prize) bad ka Aprilla Storm (3rd Prize). Ka dor jong ka ticket kalong T.50 shi ticket bad ka jingpynkhalai kan long ha u bnai Risaw (October) 25, 2019 ha madan ïalehkai ka Khliehriat West.