Pyllait paidbah ka HK Singh Memorial Secondary School iaki ticket lucky draw

Syllad | The Rising MeghalayaSeptember 11, 2023

Ka HK Singh Memorial Secondary School, Jowai haka sngi Nyngkong kala pyllait paidbah iaki ticket lucky draw ne ka jingpynkhalai nusip na ka bynta ban pynkmih pisa ban tei iaka iing skul kaba thymmai jong ka.

Ka jingpynkhalai ne ka drawing date kan long haka 3 tarik Naiwieng (November) 2023. Ka Fete skul kan sdang naduh ka 2 tarik Naiwieng. Ka 1^st prize kalong da ka pisa T.1,50,000/-, 2^nd Prize 1,00,000/- bad ka 3^rd Prize ka long T.50,000/-. Nalor kata ki don ruh 3 tylli ki consolation prize kaba mar T.5,000/-. Ka dor shi ticket ka long T.30/-.

Ia kine ki ticket la pyllait paidbah da u Ma HL Giri Lyngdoh, chairman school management committee haka jingialang kaba lyngkot kaba la iadonlang ki nonghikai ka skul. La ioh ruh iaka jingduwai na u Ma Rynsong Suting haka jingialang kaba pyniaid da u Ma M. Mylliemngap.

Na kaliang u ma Giri, ula kyntu ia baroh ki nongshong shnong ban ai iaka jingkyrshan iaka skul da kaba thied ia kine ki ticket lucky draw khnang ba ka jingthmu jong ka skul na ka bynta ban pynbha iaki jingtei iing skul ba thymmai kan long kaba iaid iaid ryntih katkum bala angnud da ka bor pyniaid jong ka skul.