Pyllait paidbah ka dorbar shnong Lumpariat iaki ticket lucky draw

Syllad | The Rising MeghalayaAugust 26, 2025

Ka Dorbar Shnong Lumpariat haka 23 tarik Nailar kala pyllait paidbah iaki ticket lucky draw na ka bynta ban pynmih pisa ban shna iaki kamra jong ka community hall ka shnong.

Ia kine ki ticket la pyllait paidbah da u kongsan Eleazer Dkhar haka jingiadonlang u waheh shnong Lumpariat JK Rymbai, Secretray Shnong A Manner, Fete Chairman W Siangshai, Fete Secretary M Pachiang bad kiwei kiwei ki nongkitkam bad dkhot shnong.

Mynta ka kynti ki khusnam ka dei da ka pisa bad baroh ka pisa kala kot T.3 lakh. Ka khusnam ba nyngkong ka dei T.1,50,000, kaba ar T.70,000, kaba lai T.50,000 bad 6 tylli ki consolation prize kaba mar T.5,000. Ka jingpynkhalai ia kane ka lucky draw kan long haka 25 tarik Risaw (October) 2025.

Ka dorbar shnong Lumpariat kala kyntu ia baroh ki nongkyrshan bad ki paidbah ban thied kylluid mynsiem iaki ki ticket ban ai jingkyrshan iaka shnong na ka bynta kine ki jingthmu ba bha ka shnong khnang ban myntoi ka imlang ka sahlang.