Pyllait paidbah ka Dorbar Shnong Loomkyrwiang iaki ticket lucky draw

Syllad | The Rising MeghalayaAugust 28, 2025

Ka Dorbar Shnong Loomkyrwiang lyngba ka Fete Committee haka 27 tarik Nailar kala pyllait paidbah iaki ticket lucky draw, ka ban pynkhalai haka fete ka ban pynkut haka 4 tarik Risaw (October) 2025.

Ia kine ki ticket la pyllait da u kongsan Ma Evermore Suchiang Waheh shnong Loomsooiung Newhill uba la ai ki kyntien kyrkhu kyrdoh bad kitbok kitrwiang iaka Dorbar shnong Loomkyrwiang ba kan lah ban pyniaid iew bha iaki ticket

Iaka jingialang la pyniaid da u Ma Daioolang Pakma, Assistant Waheh shnong bad la ioh ka jingnguh ia U Blei bad jingkren aimynsien iaki khun ka Dorbar Shnong na u Ma Lammat-oo Laloo, Waheh shnong bad ki kyntien khublei na u Ma Tremiki Lywait, Assistant. General Secretary i/c Fete Committee.

Naka liang ka Dorbar shnong Loomkyrwiang ka khot ka wer iaki paralok najan najngai ban iarap kylluid mynsiem iaka dorbar shnong ha kane ka iew fete da kaba thied ruh ia kine ki ticket lucky draw.

Ka khusnam ka long da ka song pisa ha kaba ka khusnam kaba nyngkong ne 1st Prize-T.1 lakh, 2nd Prize- T. 50 hajar bad 3rd Prize-T.30 hajar. Ka don ruh 5 tylli ki consolation prize kaba mar T. 2 hajar.