Pyllait khaw rashon bad umphniang sharak ha West Jaintia Hills

Syllad | The Rising MeghalayaNovember 12, 2024

U Deputy Commissioner (Supply), West Jaintia Hills District u la pynbna paidbah ba la pyllait ia u khaw AAY, PHH bad u non-NFSA na ka bynta u bnai Naiwieng (November), 2024 sha baroh ki wholesalers na ka bynta ban pynpoi sha ki FPS centre.

Antyodaya Anna Yojna (AAY) khaw yn sam ha ka jingioh ka ba 35 Kgs shi khlieh shibani bad ymdonkam siew dor (free of cost). Priority Household (PHH) khaw yn sam ha ka jingioh ka ba 5 Kgs shi khlieh shibani bad ymdonkam siew dor (free of cost).

Non- NFSA yn sam ha ka jingioh ka ba 7.105 Kgs shi card/iing ha ka dor ba la pynbeit da ka Vigilance Committee bad ym dei ban die tam ia ka dor Rs.14/- shi kg.

U Deputy Commissioner u la bthah ia ki FPS dealer ba ki dei ban wan shim, ia ki permit na ka ophis jong u Deputy Commissioner (Supply) bad ban sam pyndep hapoh 10tarik u Nohprah (December) ,2024 khlem pep da ka ba pyndonkam ia ki e-pos machine da ka online mode. 

Ha kawei pat ka jingpyntip, u Deputy Commissioner (Supply), ula pynbna ba la pyntip ba la pynthymmai iaka dor umphniang sharak.

Ka dor die lang (Wholesale) na Jowai sha Thadlaskein ka long T.60.00 shi litre bad na Shangpung T. 66.00 shi litre.

Ka dor die khutia na Jowai bad Thadlaskein ka long T 63.00 shi litre , katba ha Shangpung T.69.00 shi litre.