Pyllait ka Kur Soo Kpoh Khadar Wyrnai ïa ki ticket lucky draw

Syllad | The Rising MeghalayaMarch 5, 2022

Ka Kur Soo Kpoh Khadar Wyrnai, Jowai haka sngi Saitjain ka la pyllait ïaki ticket lucky draw ne khlai nusip haka jingïalang lyngkot ba la pynlong ha ïing ka kur kaba don ha Chiliangraij Jowai.

U CEO ka Banalari World Cars, u Godwin Lakiang ula long kum u kongsan bad pyllait paidbah iaki ticket.

Ïaka jingïalang la pynïaid da u President ka Kur u Bah Puramon Kynjing haka jingiadonlang ki riew rangbah jong ka kur.

U Godwin Lakiang haka jingkren u sngewkmen ban don bynta lang bad ki khun ka kur bad ula kitbok kitrwiang ba ki ticket khlai nusip kin long kiba ïaid ïew khnang ba ka kur kan lah ban pynïaid shakhmat ïaki kam jong ka kur.

Ïa kine ki ticket yn pynkhlai haka 9 tarik April 2022 bad ka First Prize kadei da ka pisa kaba T. 1 lak, ka Second Prize T. 50,000, Third Prize T. 30,000 bad 10 tylli ki consolation Prize mar T. 1,000.