Pur ka jingthang iaka kopi ka CAA Rules sha Jowai

Syllad | The Rising MeghalayaMarch 16, 2024

Ka Khasi Students Union (KSU) haka 16 tarik Lber kala thang iaka kopi ka Citizenship Amendment Rules 2024 kum ka dak ban pyrshah iaka jingpyntreikam iaka Citizenship Amendment Rules haka thain Shatei Lam Mihngi.

Ka KSU West Jaintia Hills haka jingialam u president Laitphar Syngkrem bad ki dkhot nongialam ka KSU Jowai kila thang ia ka kopi kane ka aiñ ha Iawmusiang, Jowai.

Ka jingthang ia kane ka kopi jong kane ka ain CAA kalong kum ka dak ban pyrshah halor ka jingpyntreikam ia ka Citizenship Amendment Act ha ka thain Shatei Lammihngi (Northeast).

U Laitphar ula ong ka jingthang iaka kopi kane ka ain ka long ban pyrshah iaka jingmynjur bad pynmh ia ka jingpynbna paidbah ban pyntreikam ia ka Citizenship (Amendment) Rules, 2024 kaban ailad ia ki riewngeit na ki hynriew tylli ki ri kaba kynthup na Pakistan, Afghanistan bad Bangladesh ban ioh long kum ki nongshong shnong ka ri India. Kine riewngeit kidei ki Hindu, Sikh, Buddhists, Jains, ki Parsis bad ki Khristan.

Kane ka CAA Rule kan ailad iaki poiwir ba kin long ki nongshong shnong ka India kiba la sah shuwa ka 31 Nohprah 2024.

Ula ong ruh ba ka jingdawa ka long ka sorkar pdeng ka dei pyntreikam iaka Inner Line Permit (ILP) ha Jylla khnang ban khanglad iaki poi ki poiwir ban long ki nongshong shnong ha kane ka Jylla bad ki ieng pyrshah iaka CAA.