Poi Judicial Custody ki 3 ngut ba pynjulor ia ki sakhi halor ka jingiap u Raja Raghuwanshi

Syllad | The Rising MeghalayaJuly 3, 2025

Ka iingkashari haka 2 tarik Naitung kala hukum ban set hapoh Judicial Custody sa ia ki lai ngut kiba la shah kem noh dang shen halor ka jingdonkti ha kaba pynjulor ia ki sakhi satar kiba kongsan kiba don jingiadei bad ka jingjia shah pyniap jong u nongkhaii na Indore u Raja Raghuvanshi ha ka thain Sohra.

Ka iingkashari ka la rai ban set 14 sngi ia u Shilome James hapoh Judicial Custody, katba ia ki arngut kiwei pat, kata ia u Lokendra Singh Tomar bad u Balbir Ahirwar kila ngat 7 sngi hapoh Judicial Custody, la ong u Tushar Chanda Assistant Public Persecutor.

Ia kine ki lai ngut la wanrah biang da ki pulit sha ka iingkashari jong i Chief Judicial Magistrate hadien ba la kut noh ka jingtohkit ba hynriew sngi da ki pulit pyrshah ia kine ki laingut halor ka jingpynduh pyndam ia ki sakhi  satar bad ki tiar ba la pyndonkam da utei u lanot (Raja Raghuwanshi) ha kaba la suba jur ruh ia ka jingdonkti ka kurim jong u ka sonam Raghuwanshi lem bad ki paralok jong ka.

Kine kila shah tian bishar ha ka 26 tarik Jylliew halor ka jingkynnoh ba kila don bynta ha kaban iarap ia ka suba nongpyniap kaba hakhmat eh ka Sonam da kaba ai jaka rieh bad pyrshang ban pynduh pyndam ia ki sakhi satar kiba kongsan.