Pluh ka kharkhana shna chow ha Shangpung, julor da ki phew lak

Syllad | The Rising MeghalayaJune 27, 2021

Ka ding kaba la klang kynsan kynsan hynnin ka miet Saitjain haka por 9:30 PM kala bam duh iaka kharkhana shna Chow ha Shangpung Khliehmushut, West Jaintia Hills.

U trai kane ka kharkhana u dei u ma Hunbait Shullet, uba dei ruh u trai jong ka Hunbait Spices kaba pyniaid iew ia u shynrai Lakadong bad kiwei kiwei ki mar kiba mih na katei ka thain.

U ma Hunbait Shullet ula iathuh ba ym tip ia ka daw ba pluh ding. U la ong baroh ki jingdon jingem ba kynthup iaki kor tylliat bad kiwei ka jingduh kala kot sha ka T.30 haduh T40 lak.