Pluh ka ïing haka shnong Kseh kynnoh ka lanot ba thang u lok

Syllad | The Rising MeghalayaAugust 28, 2021

Ka ïing jong ka Kong Jun Ïakai na ka Shnong Kseh kaba hap ha Elaka Sumer la kynnoh ba kala shah thang hynne ka step haka por kumba 5.00 baje eiei.

Ka Kong Ïakai ryngkat ka shnong ki kynnoh ba ïa katei ka kam la leh hi da u lok jong ka Kong Ïakai u Well Pasleiñ.

Ha kane ka jingjia ym don kano kano jingmynsaw mynsnam lait noh tang ka jingduh noh ia ki jingdon jingem ka ïing.

Haba ìadei bad kane ka jingjia na ka liang East Jaintia National Council (EJNC) Sumer Circle lyngba u President u Sikilan Chyrmang ka la dawa ïaki bor ka aiñ ban kem bad pynshitom tyngeh katkum ka aiñ ïa u suba donkti.

Na ka liang ka shnong kynthup naduh u Waheh Shnong u Bah Starship Pasleiñ, u Secretary Shnong u Bah Kner Dkhar bad ka Kong Delight Dkhar Chairman Seiñ Manbei ki la pynrem jur ïaka jingleh jong u Well Pasleiñ.