Plie Wailadmiki Shylla ia ka Iawmusiang Urban Health and Wellness Centre

Syllad | The Rising MeghalayaOctober 20, 2023

U MLA Jowai u Bah Wailadmiki Shylla haka sngi Thohdieng u la plie paidbah ia ka Urban Health and Wellness Centre hapoh Iawmusiang, West Jaintia Hills District, Jowai.

Haba kren ha ka jingialang, u Bah Wailadmiki u la ong ba ka jingplie ia kane ka health centre hapoh kane ka jaka iew kan pynthikna ba ki nongshong shnong jong kane ka thain kumjuh ki paidbah kiba wan sha kan ka jaka iew kin ioh ia ka lad ha kaba iadei bad ki jingai jingsumar.

Ha kajuh ka por u pynshlur ruh ia ki paidbah ba kin shim kabu lyngba kum kine ki jaka aijingsumar kata kynthup ia ka lad ban iakynduh ia ki doktor na ka bynta kino kino ki jingdonkam kiba iadei bad ka koit ka khiah.

Ha kane ka prokram la ia don lang ruh u Dr. K Dhar, Additional District Medical & Health Officer, Dr. M Syngkon, District Surveillance Officer, IDSP, Dr. L Pyrbot, Medical & Health Officer, Iawmusiang UHWC, Rangbah Shnong, ki riew rangbah bad ki nongshong shnong jong kane ka jaka.