Plie u PM Modi ia ki projek kam pynroi ba 6400 klur kynthup lai tylli ha Meghalaya

Syllad | The Rising MeghalayaMarch 8, 2024

U Myntri Rangbahduh ka Ri u Narendra Modi ha ka 7 tarik Lber, u la plie paidbah ia bun tylli ki projek kam pynroi kiba  kot haduh T.6400 ha ka jingleit jurip shapoh Srinagar bad Jammu and Kashmir

U PM Modi  lyngba ka Swadesh Darshan Scheme na ka Tnat Tourism ka Sorkar India u la pynbna ruh ia ki lai tylli ki projek na ka bynta ka Jylla Meghalaya. 

Haba aijingkren ha ka jingialang u Myntri ka Tnat Tourism ka Meghalaya u Bah Paul Lyngdoh u la ong ba u PM Modi u la iashim bynta ha kaba plie ia buntylli ki projek ha ka jingialang ba la pyniasoh lyngba ka kor internet (Virtually) kaba kynthup ia laitylli ki projek kiba dei ha ka jylla Meghalaya, kata ka  Krangsuri Falls, ka Mawmluh Experiential Centre bad ka Sohra Waterfalls trails.

Nalor kata u la ong ruh ba ka Krangsuri ka dei ka projek kaba la pyndep bad na ka liang ka sorkar shen kan sa pyndep ia ka jingpyntrei na ka bynta kine ki artylli kiwei pat ki projek kiba dang sah.

Shuh shuh u la ong ba na ka liang ka Tnat Tourism ka khmih shakhmat na ka bynta ban iatreilang ryngkat ryngkat bad baroh ki kynhun kiba ia don bynta na ka bynta ka jingiaid beit iaid ryntih ha ka jingpyntrei ia kine ki projek.