Plie u Myntri ka Tnat DoNER ia ka 5G Experience Centre ha Guwahati

Syllad | The Rising MeghalayaSeptember 29, 2023

U Myntri ka Tnat DoNER ka sorkar pdeng u G.Kishan Reddy mynta ka sngi Thohdieng lyngba ka kor internet ne virtuallay u la iashim bynta ha ka jingplie paidbah ia ka 5G Applications na ka bynta ki 7 tylli ki jylla ka thain shatei lammihngi (North East) (Lait noh na ka bynta ka Arunachal Pradesh) kumjuh ia ka 5G Experience Centre ha Bongora, Guwahati.

Ka jingplie ia kane ka long ban bteng bad pyniaid shakhmat ia ka jingiohi jngoh jong u Myntri Rangbahduh ka ri u  Narendra Modi kaba u la pynpaw ha ka jingrakhe ia ka Golden Jubilee jong ka North Eastern Council kaba la long ha ka 18 tarik u Nohprah 2022.

Ia kane ka projek la pyntrei da ka AMTRON ha ryngkat ka jingiatreilang bad ki tnat sorkar bapher bapher, kata kum ka Ministry of DoNER, Department of Telecommunications, Telecom Sector Skill Council, School of Planning & Architecture, New Delhi; Vardhaman Mahavir Medical College & Safdarjung Hospital, New Delhi; Design Innovation Center, UIET, Panjab University, ALIMCO, a PSU of Ministry of Social Justice & Development, Government of India.Hapdeng kine ka NEC ka la lamkhmat na ka bynta ban btin lynti bad ban ai ka jingiatreilang.

Haba kren ha ka jingialang u Reddy u la ong ba hapoh ka jingialam jong u PM Modi ka jingkiew ha ka ioh ka kot lyngba ka digital ka la kiew shaphang na kawei ka sngi sha kawei pat bad kaba la pynlong ia ka India ban kan kham shakhmat haba ia nujor bad ki katto katne ki ri kiba la kiew ha ka liang ka ioh ka kot. U la ong ruh ba ka jingai jingshakri kum ka Aadhar, United Payments Interface (UPI) bad  Digilocker ka la kyntiew ha ka liang ka ioh ka kot kaba iadei lyngba ki kor internet.

Da kaba pynshong nongrim halor kane ka jingiohi jngai, ka  North Eastern Council, Ministry of DoNER ka la ioh ia ka jingkyrshan pisa kaba 100% ban pyntreikam ia ka 5G Training Labs bad 5G Health Use Case applications kaba nyngkong eh jong ka India ha baroh ki phra tylli ki jylla jong ka thain North East.

U Reddy u la pynpaw ruh ba ia kane ka projek la lah ban pyndep ha abroh ki 8 tylli ki jylla ka thain North East, kata tang hapoh kumba 75 sngi kaba dei ruh ka rekod na ka bynta kino kino ki jait projek ba la pyntreikam jong ka North Eastern Council kaba hap hapoh ka policy jong ka “Act First & Fast for North East”.Kane ka projek ka kynthup ia ki sawtylli ki bynta ba kongsan, kata kaba kynthup ia ka 5G Training Labs kawei kawei na ka bynta kawei ka jylla jong ka thain North East bad ka cloud supported MOOC Courses halor ka 5G bad  TSSC (Telecom Sector Skill Council) lyngba ki  Master Trainer  na ka bynta ki 5G Labs.

Ki nongmihkhmat bad ki heh sorkar bapher bapher kiba la iashim bynta ha kane ka  jingialang lyngba ka online bad offline ki kynthup ia u Pema Khandu, CM ka Sikkim,   Alo Libang Myntri ka Tnat ka koit ka khiah ka Arunachal, ka Dr. Ampareen Lynndoh Myntri ka Tnat ka koit ka khiah ka sorkar Meghalaya, LorhoFoze, MP, Ritu Barman Sarmah, Vice Chairman, AMPRTON,  Syeddin Abbasi, Additional Chief Secretary,  Rajaraman,  Secretary barim ka Deptt. Of Telecom, GoI, bad ki heh ophisar jong baroh ki jylla ka thain North East.