Plie u ma Lahkmen Rymbui ar tylli ki ïingskul yn tei saka Administrative Building ka Nongtalang Govt SS

Syllad | The Rising MeghalayaDecember 21, 2021

U Myntri ka tnad pule puthi ka sorkar Jylla u Ma Lahkmen Rymbui ula plie ia ki ar tylli ki ïing skulk aba kynthup iaka Nongtalang Govt LP School bad ka Nongtalang Government Secondary School haka sngi ba Ar.

Iaka LP skul la tei haka jinglut kaba T.35 lak  lyngba ka Border Area Development Scheme bad ka Iaka Secondary School lyngba ka Ministry of Tribal Affairs haka jinglut kaba T. 3 klur 75 lak. Katba ïaki shuki ki miej yn pynïoh ha u snem ban wan haka jinglut kaba T.30 lak tyngka.

Ha kane ka juh ka sngi u Ma Lahkmen ula buh mawnongrim ban tei iaka Administrative Building cum Auditorium jong ka Nongtalang Government Secondary School kaba la mang ban pynlut haka jinglut kaba T 1 klur 24 lak.

U Ma Lahkmen  uba long ruh u MLA ka Amlarem ula pynpaw iaka jingkmen kaba khraw halor ka jinglah ban wanrah ia kine ki skim pynroi haka shnong ka thaw jong u.

“Ka jylla kala kynjoh sha ka 50 snem bad nga sngewkmen ba nga la ioh ban plie paidbah iaka iing skul kaba thymmai kaba nga sdang ban saindur iaka pule ka puthi jong nga ha ki 47 snem kiba la leit ha Nongtalang Govt LP School kaba la jot la pra haduh u snem 2020,” la ong u Lahkmen.

Ha kane ka jingplie paidbah ia kine ki iing skul la iadonlang u Additional Chief Secretary ka sorkar Jylla uba peit ïaka tnad pule puthi ka sorkar Jylla u Bah DP Wahlang haka jingdonlang u Director ka tnad pule puthi ka sorkar Jylla u Ambrose Ch Marak bad ki bor pyniaid jong ka skul.