Plie u Conrad ïaka website Krangshuri; sa 3 Klur tam ban pynbha ïaki jingtei

Syllad | The Rising MeghalayaJanuary 31, 2019

JOWAI: U Myntri Rangbah ka Jylla u Conrad Kongkal Sangma ula wan ban plie ïaka website jong ka Krangshuri Adventure Tours haka sngi Palei.

Ha kane ka jingplie ïaka website ka Krangshuri la ïadonlang u Ma Lahkmen Rymbui MLA ka War Jaiñtia, u ma Sniawbhalang Dhar Myntri C&RD ka sorkar Jylla bad u DC, SP West Jaiñtia Hills District bad kiwei kiwei ki ophisar jong ka tnad treikam bapher bapher.

La ïadonlang ki nongïalam ka Raid Buam & Environmental Protection Association ba kynthup ïa u Donbok Buam, uba maitphang ban pynbha ïaka Krangshuri badn khring ïaki nongwan jngohkai na kylleng.

U Sangma haba kren kum u kongsan ula ong ba u kmen ban pynbna ba ka sorkar pdeng kala theh T.200 klur ban kyntiew ïaka kam jngohkai. “T.22 klur tang ha West Jaiñtia Hills Disrtict ban kyntiew ïaka jingïalehkai hapoh um (water sports) ha Iooksi T.10.87, T.7.34 Klur ïaka’law kyntang ka Chyrmang ban ïada ïaki jingthaw ba im bad pynlong ïaka kum kawei na ki jaka shangkai pyrthei”.

“Ban pynbha ïaka Kranshuri la mang T.3.19 Klur ban shna shurok, dukan dih sha bad kiwei kiwei”, la ong u Conrad.

U MLA ka thaiñ ula ong “ban kyntiew ïaka kam jngohkai ngin dei ban pynneh pynsah ïaki khlaw ki btab kiba lah ban pynmih ïaka um ka wah bad lada ym don dieng ka mut ym don ki kshaid kiba noh rymphum. Ban kyntiew ïaka kam jngohkai ngi dei ban tyngkai ïaka jingai ka mariang bad ban pynlong ïaki shnong ki thaw kiba khuid ba suba”.