Plie u Conrad iaka Shillong Engineering College, yn sdang lai tylli ki course

Syllad | The Rising MeghalayaJanuary 16, 2023

U Chief Minister ka Jylla Conrad K Sangma haka sngi nyngkong ula plie paidbah iaka Engineering College kaba nyngkong tam ha Jylla ka Shillong Government College of Engineering haka jingiadonlang u Education Minister Lahkmen Rymbui, Chief Secretary ka Jylla DP Wahlang.

Ka jingtei iaka building ka college la bei pisa da ka Rashtriya Uchchatar Shiksha Abhiyan (RUSA) haka dor kaba 26 klur tyngka. 

Kane ka college ka don haka jaka kaba heh 7.8 acres,haka syndah jong ka Shillong Polytechnic kaba don 16.11 acres ha Mawlai Kynton Massar, East Khasi Hills District.

Kane ka Engineering College kan don lai tylli ki degree course kiba kynthup Civil Engineering, Electrical Engineering & Mining Engineering bad kan pdiang mar 30 ngut ki samla pule.

Shuh shuh ka sorkar kala thaw haduh 55 tylli ki posts thymmai kiba kynthup iaki 36 (Thirty Six) teaching bad 19 (Nineteen) Non-Teaching posts.

Ka Shillong Govt. College of Engineering (SGCE), Shillong kala aplai ruh iaka permission bad ka affiliation na ka skul bah NEHU ban sdang noh iaka College, kaba la iaid shakhmat mynta.

Ha u snem 2022-23 ka SGCE ka ladep pan jingbit na ka AITCE lyngba ka online ban ioh sdang noh ia ka jingpynrung samla pule.

Hynrei ka AITCE kam shim la ai jingbit namar ba don katto katne ki jingduna bad ia kita jingduna la dep pyndap pynbiang shwa ban pan jingbit biang na ka AITCE na bynta u snem 2023-24.