Plie jingkhang ka WJDSA iaka iew loan player

Syllad | The Rising MeghalayaSeptember 22, 2023

Ban ailad iaki kynhun ialehkai haka First Division mynta ka aiom ialehkai ban pynkhlain iala ki jong ki kynhun ban ioh thep player ialehkai, ka West Jaintia District Sports Association (WJDSA) kala plie iaka iew register iaki loan player ne shim kylliang.

Ka WJDSA kala pyntip ba ka jingkhang ka plie naduh 21 tarik Nailur bad kan kut haduh 28 tarik Nailur.

La pyntip ba kawei ka kynhun ka lah ban shim loan player haduh san ngut bad bai register ka long T.1000/- uwei u player.

Ki kynhun mynta ka aiom ialehkai haka Fisrt Division ki kynthup iaka Nangbah Iawmusiang, Mosalyngkat, Sohmynting, Sabahmuswang, Mukhla Evergreen, Wahiajer, Luti Tuber Social Welfare, Demthring, Mookyndur, Khliehiongriang, Shangpung Moosyiem bad ka Dulong.