Phuh phieng ka 75th Republic Day ha West Jaintia Hills

Syllad | The Rising MeghalayaJanuary 26, 2024

Ha ryngkat ka ri baroh kawei, ka nongbah Jowai ruh kala rakhe iaka 75th Republic Day. U Myntri Sorkar bah AL Hek ula pynher iaka lama ka ri bad shim iaka Rashtriya Salute.

Ha duh 20 kynhun kila shimbynta haka parade ba kynthup iaki Pulit, NCC ka skul JNV Mukhla, Government Girls Higher Secondary School, Jowai, West Jaintia Bharat Scouts & Guides, Jowai bad 15 tylli ki schools. 

Kala don ru ka jingpyni nam iaki tableau kaba la wan nyngkong ka dei ka District Horticulture Officer, Jowai ba ar ka  District Commerce & Industries Centre, Jowai bad balai ka Divisitional Soil and Water Conservation Officer Territorial Division Jowai.

La sam ruh iaka khusnam top performing PHC kaba ka Sahsniang PHC kala ioh ia kane ka khusnam na ka bynta ka jingjop ban pyniaid shakhmat iaka Megha Health Insurance scheme (MHIS) & Ayushman Bharat Pradhan Mantri Jan Arogya Yojana) (AB PM- JAY). 

U Bah AL Hek ula pynkup burom ruh ia ki arngut ki pulit, kiba kynthup ia u Havildar Amplias Synnah ABC/ 264 Arki Nikhla kum ka jingithuh iaka kam kaba kila pyndep ha kaba iakhun pyrshah ia u drok

Kiwei pat ki prokram ki kynthup iaka jingrwai jingshad ba la shimbynta da ki khynnah skul bad ki shnong ka nongbah Jowai

La sam ruh iaki jingbam sha Childrens’Home da ki tnad sorkar bad ki seng trei kam bhlang social organisations

Ha Amlarem u MLA ka thain ma Lahkmen Rymbui ula shim iaka salute bad pynher iaka lama. Ki Pulit bad ki 6 tylli ki skul kila shim bynta haka parade, pynbud sa ka jingpyninam iaki tableau

7 contingents took part in the parade including the Police Department and six schools.  It was then followed by Tableaus na ki phra tylli ki tnad sorkar.

Ka Syiem Jingsuk Higher Secondary School, Amlarem bad Amlarem Secondary School kila jop haka march past. La ai ruh iaka syrnod jingiaroh ia u ma Dapki Shylla, BLO ka 4- Iongnoh uba la ioh iaka khusnam State Award haka jingjop ban trei iaka kamram bala bynshet ha u kum u BLO.

Shuh shuh ban pynbyrngia ia ki paidbah kala don ruh ka jingrwai jingshad tynrai kaba la shimbynta da ki khynnah skul ka thain.

Ha Hima Shangpung: Laskein C&RD Block u MLA Jowai Wailadmiki Shylla ula shim iaka bynta ban pynher iaka lama bad shim iaka salute.