Phiel ka kam rep slasha ka JHADC ha khappud Assam Meghalaya ong ka KSU

Syllad | The Rising MeghalayaFebruary 20, 2021

Ka KSU Lapangap unit haka sngi Thohdieng ka la leit iakynduh ia u Chief Forest Officer jong ka JHADC halor ka kper slasha jong ka tnad Forest JHADC kaba la sdang ban pyntrei naduh u snem 2006-2014.

Kane ka jaka rep slasha ka don ha Moorangtung Khanduli haka jaka kaba heh kumba 15 hectare, ha Mookyntian Khanduli pat ka jaka kaba heh 5 hectare katba ha Riat Siatmuid Khanduli ka heh 12 hectare bad ia ka jinglut baroh ban pyntreikam ha kine ki jaka lah bei poisa da ka sorkar pdeng haduh T.2,69,07,309/-.

Ka KSU kala kynnoh ba haba ka wad jingtip la lap ba ym shym la pyntreikam hok ia kitei ki kper slasha kumba la thmu da ka JHADC ban ai jingmyntoi ia ki paidbah Khanduli-Lapangap ban iohkam iohjam.

Shuh shuh ka KSU kala kynnoh ba u CFO, JHADC ula ong ba ka ia katei ka jaka la iehnoh namar ba u slasha uba ki thung kim dei satia ki symbai kiba bha.

Katkum ka jinglong jingman ka jaka bad ka jingthung slasha ha kitei ki jaka kala pynsyrwa ei Iaka pisa paidbah bad kam shym la wanrah jingmyntoi eiei ia u paidbah

Ka KSU Lapangap unit kala ong ba kan nym shong kli kti bad kan iai buddien ia kane ka kam tad haduh ban da lap ia ka jingshisha.

Kine ki jaka rep slasha kiba don ha khappud bad ka Assam bad lada ka JHADC kam lah ban pyntreikam ia kitei ki jaka kaKSU kala dawa ban pynphai biang ia kitei ki jaka sha ki shnong ba la ai sngewbha naduh ki por bamynshuwa.