Phah tuklar ka JSU ia u Myntri ban maramot ia ka surok PHE kaba la sniew

Syllad | The Rising MeghalayaMay 23, 2025

Ka Jaintia Students Union (JSU) haka 22 tarik Jymmang ka la leit iakynduh ia u Myntri ka Tnad PHE u Marcuise N Marak bad kyrpad ba un tuklar lem ban phah maramot noh mardor ia ka surok ba la sniew na Khimusniang sha ka treatment plant ka PHE ha Jowai, West Jaintia Hills.

Ha ka dorkhas, ka JSU ka la pynpaw ba ia kane ka surok la shu iehnoh khlem da maramot shuh mynta lah kumba shiphew snem bad kane ka la ktah jur ia ki nongshong shnong jong ka thain.

Ka JSU ka la bynrap ruh ba ka ophis jong u Executive Engineer ka PHE ka la dep ban ai ia ka revised estimate na ka bynta ban maramot ia kane ka surok, hynrei kam shym la don satia kano kano ka jingpyni dak ban leh ei ei kat haduh mynta.

“Kumta ngi kyrpad jur ia ka jingtuklar lem ka jong phi ban ai ka jingmynjur bad ban pyniaid shakhmat ia ka kam,” bynrap u kyrwoh ka JSU.