Phah pynbiang bus ka HYC ban leit iakhun eksamin ki khynnah skul

Syllad | The Rising MeghalayaMay 20, 2020

Ka Hynniewtrep Youth Council (HYC) War Jaintia Circle haka sngi ba Ar kala phah dorkhat sha u Myntri ka tnad pule puthi u Ma Lahkmen Rymbui ban dawa ban pynbiang Bus ne kali iaki khynnah pule ka War Jaintia ba kin ioh ban leit iakhun iaka eksamin naka bynta ki subjek ba dang sah haka kyrdan klas XII.

Ka HYC kala kyntu ia u Myntri ba un sngewbha ban buh kali (Bus) ha War Jainta na bynta ki khynnah ki ban iakhun iaka Examination ha ki subject kiba ki dang hap ban iakhun haka 8, 9, 10 tarik u bnai Jylliew katkum bala pynbna tarik daka MBOSE.

U Publicity Secretary u Riki Mukhim ula iathuh ba kila phah ia kane ka dorkhat ha u Myntri ka tnad Pule Puthi, uba long ruh u MLA ka War Jaintia ban kyntu ban pynbiang bos khnang ba ki khynnah pule ki ioh ban leit thoh eksam da kaba suk. Ula ong ba kiba bun ki samla pule ki shem jingeh khamtam kito kiba wan naki longiing baduk ban leit pyndep iaka examination sha ki centre bapher bapher jong ki naka jingrem palat ka bai kali naduh ba sdang ka lockdown ban iakhun pyrshah iaka khlam COVID-19.

Bun ki khynnah kila pynpaw iaka jingeh ban leit thoh eksam sha ki centre jong ki ha Nongtalang ha Amlarem bad don ruh kiba hap ban  thoh eksamin sha Jowai bad Shillong, la ong u Riki bad ban jur ia u Myntri ban pynbiang kali ia baroh ki khynnah skul.