Phah khubor sngewlem ka KSU sha kiba ha ïing u ma Anthony Bareh

Syllad | The Rising MeghalayaJuly 14, 2021

Ka Khasi Student Union Saphai Unit ka dap da ka jingsngewkhia haba ioh jingtip ba u ma Anthony Bareh waheh shnong ka shnong Saphai u la khlad na kane ka pyrthei haka sngi ba Ar.

Ka KSU Saphai kala ong ba u Ma Anthoy Bareh u dei u rangbah u prad lynti ban wanrah iaka KSU shaka thaiñ Saphai, Iooksi bad u ju long teng u nongai buit ka Saphai Unit haki snem bala leit.

Une u rangbah ula noh synniang shibun sha ka KSU ha katei ka thain na ka bynta ban tei iaka imlang ka sahlang bad kane ka jingkhlad noh ka jong u kadei ka jingduh kaba khraw iaka KSU bad ka shnong Saphai baroh kawei.

Ka KSU kam lah ban klet ia u namar ba shibun ki kam babha kiba u lah leh haka shnong ka thaw ban wan rah iaka jingkylla iaka shnong Saphai haki snem ba u long kum u waheh shnong naduh u snem 2016.

Ka KSU kam lah khlem da pynpaw iaka jingsngewsih halor ka jingkhlad une u rangbah bad ka phah ruh iaka khubor sngewlem sha kiba haiing bad ka buh ruh ka jingduwai ha U Blei ba don bor baroh ba un pyntngen ia ki hapdeng kane ka jingkahdum u lyoh.