Phah biang ia u DC barim ka East Jaintia Hills ne mad iaka jingiakhih ong ki 7 seng

Syllad | The Rising MeghalayaDecember 3, 2021

Ki 7 seng kiba kynthup iaka iaka EJNC, JSM, KSU, JSU, FKJGP, HNYF bad HANM kila dawa naka sorkar ban phah biang ia u DC barim ka East Jaintia Hills District u bah Ethelbert Kharmalki kum u DC ba pura ka district.

Kumban shu pynkynmaw ba ka sorkar kala pynkynriah ia u Ethelbert Kharmalki kum u DC naduh 16 November bad thung ia u kum u Secretary Mining & Geology ka sorkar Jylla. Ha ka jaka jong u la thung ia u Additional Deputy Commissioner SS Syiemlieh kum u incharge DC.

Kine ki 7 seng mar sien mih ka khubor kila pynpaw iaka jingpyrshah bad haka 2 tarik ruh kila pynlong iaka jingialang kaba kyrkieh ban dawa na u Myntri Rangbah ka Jylla Conrad K Sangma phah DC ba pura biang da u Bah Kharmalki ha East Jaintia Hills District.

La ong ruh ba kine ki 7 seng kila thmu ban pynlong iaka jingiakhih kaba jai jai haka 8 tarik haka sngi ban wan plie u Myntri Rangbah iaka SHG Mela, hynrei namar ba ula pynpep ban wan, kine ki 7 seng ruh kil pynsangeh iaka jingiakhih.

“Lada ka sorkar ka don jingthmu ban phah da uwei pat u DC haka jaka u Bah Kharmalki, ka jingiakhih kala ap,” la ong ki 7 seng.