3 lak 50 hajar ka khusnam pisa, khot entry sha ka Pdengshakap SS Invitation Football Knock-out Tournament

Syllad | The Rising MeghalayaOctober 25, 2021

Kumba ju long manla u snem Tympang Club Pdengshakap kan pynlong biang iaka Pdengshakap Secondary School Invitation Football Knock-out Tournament kaban long ha madan ialehkai ka Tympang Club, Pdengshakap, Amlarem Sub Division.

Kane ka dei ka sien kaba phra bala la pynlong ia kane ka lympung ialehkai football na ka bynta ban pynmih pisa iaka skul Pdengshakap Secondary School ban siew iaki tulop nonghikai.

U Sports Secretary Tympang Club, Pdengshakap, Oriswell Khyriem ula pyntip ba ka lahduh ha katei ka lympung kan ïoh khur ïaka song pisa kaba T. 2,20,000 (Ar lakh ar phew hajar) tyngka bad ka kynhun kaba wan ba ar kan ïoh T. 1,30,000 (Shi lakh lai phew hajar) tyngka.

Ka Tympang Club ka khot ka wer ïa kino kino ki kynhun bad ki club kiba kwah ban ïa shim bynta ha katei ka lympung ba kin pynpoi iaka entry bad ka tarik ba khatduh ban pdiang kan long haka 13-11-2021.

Ka bai rung kalong T. 4000/- bad yn pdiang tang 32 tylli ki kynhun bad ïaki jingtip ba kham bniah lah ban phone ha une u number 8131804743.