Pan kaiphod ka MHRC halor ka jingiap shah bat bording u khynnah skul JNV

Syllad | The Rising MeghalayaJuly 30, 2024

Ka Meghalaya Human Rights Commission (MHRC) kala pan da ka kaiphod kaba bniah na Chairman cum-Managing Director ka Tnad  MePDCL bad na u Principal JNV ha kaba iadei bad ka jingiap shah bat bording jong uwei u khynnah skul ka Jawahar Navodaya Vidyalaya (JNV) bad ban aiti ia kane ka kaiphod hapoh ka 16 tarik u Nailar 2024.

Katkum u kyrwoh lyngba u Secretary ka MHRC la ong ba une u khynnah skul uba la khlad noh ha kane ka jingjia u dei uba la tip kyrteng kum u Nathaniel Sohtun uba dang pule ha ka klas XI ha JNV, Mawphlang.

Nalor kata la ong ruh ba une u khynnah ula shah lympat bording ha ka por ba u dang thmu ban sum hapoh la ka jong ka hostel jong u. Halor kane ka jingjia ia une u khynnah la pyntip ba ka MHRC kala shim da suo moto case.