Palat lai taiew duh bording Ladrymbai B dawa pynioh ding mardor ka KSU

Syllad | The Rising MeghalayaJune 29, 2022

Ka Khasi Student Union (KSU) Lad Rymbai Unit kala dawa na ka MePDCL Khliehriat Distribution Division ban pynioh bording mardor ha ka shnong Ladrymbai B hadien ba kane ka shnong ka hap ban shong haka jingdum mynta la palat lai taiew.

Kane ka shnong kala hap ban shong haka jingdum tang na ka daw ba duh u transformer ba sam bording ha kane ka shnong bad ka MePDCL kam shym la leh eiei ban maramot ne kylliang ia une u transformer ban pynioh ding ia kane ka shnong.

Ka KSU kala ong ba une u transformer ula duh naduh 6 tarik u Jylliew.

“Ka jingsniew jong u ne u Transformer kala ktah jur ïa ki khynnah skul jong katei ka shnong namar bun ki khynnah skul ki dang don hapdeng ka jingïakhun ïaka eksamin shiteng snem,” la ong Donbok Mukhim president KSU Lad Rymbai Unit kiba la ujor sha u Executive Engineer, MePDCL Khliehriat Distribution Division haka sngi ba ar.

Ka KSU haka jingiakynduh ia une u Engineer ka MePDCL kala dawa ban pynbiang bording mar mar ha katei ka shnong, kaba na kaliang une u engineer ruh ula kular ban shimkhia ban pynioh bording ia kane ka shnong