Palat 524 ngut kiba don ar kyrteng ha ka Electorall Roll la weng noh da ka Tnad Election

Syllad | The Rising MeghalayaMay 6, 2025

Ka Tnad Election ka Jylla ka la weng noh ia palat 524 ki kyrteng briew na ka Electorall Roll namar ka jingdon kyrteng ar jaka.

Haba pyntip ia kane haka 5 tarik Jymmang, u Chief Electoral Officer (CEO) u Dr BDR Tiwari u la ong, “Ha kaba iadei bad ki EPIC duplicate, ki don haduh palat 534 tylli ki case ia kiba la lapdien / dep ithuh ha Meghalaya. Ia baroh kine ki 524 ngut la ai da kawei pat ka EPIC number bathymmai.”

U la ong ba kane ka dei ka jingshem ba ia kajuh ka EPIC number la shem ruh ba ka don ha kiwei pat ki jylla hynrei ha ka kyrteng jong ki arngut ki briew, bad kumta ia kane mynta ngi la lah pat ban pynbeit.

U Dr Tiwari u la bynrap ba lyngba ka jingshimkhia jong ka ECI la shim ia kane ka sienjam ban bishar bniah ia ki EPIC ha ka Jylla ha kaba la dep ban ithuh ia baroh ki EPIC duplicate ha kaba ia kumba kum kine ki briew la pynioh da kiwei pat ki EPIC number kiba thymmai.

Ha kaba iadei bad ka jingpyniasoh ia ka EPIC bad u Aadhaar, u CEO u la ong ba kane ka dang long beit katkum ka mon jong u paidbah.

“Namar ba ia u Aadhaar la pyniasoh bad kiba bun ki jingdonkam, kumta ngi kyrpad ruh ia ki nongthep vote ba kin pyniasoh ia ki Voter ID bad u Aadhaar bad ba ki lah ban leh ia kane lyngba ki ERO,” u la bynrap.