Ngim pyrshah ïaka rai plie khaii bar ri hapdeng ka India bad Bangaldesh ong ki exporter

Syllad | The Rising MeghalayaJune 14, 2020

Ka Core Committee jong ka War-Jaiñtia Limestone and Boulder Stone Exporter and Miner Association (WJLBEMA) kala pynpaw ba kam shym la pyrshah iaka rai jong ka sorkar jylla ban plie iaka jingkhaii bar ri hadpeng ka India bad Bangladesh, hynrei la kyntu iaka sorkar ban pynbiang ia baroh ki lad jingiada ban lait naka jingpur ka jingpang khlam COVID-19.

U Ma Lop Pohtam bad u Lahmon Tongper ki nongialam ka core committee ka WJLBEMA kila kubur ba ki leit sha ka jingialang ba khot ka Khasi Students’ Union War Jaintia Circle bad ki nongialam ka KSU South Central East Circle haka sngi Saitjaiñ ha Dawki.

“Ha kane ka jingialang ka KSU kala iathuh iaka daw ba ki pyrshah iaka jingkhaii bar ri namar ba ka sorkar kam shym la pynbiang iaki lad jingiada bad na kaliang jong ngi ki nongkhaii bar ri ruh ngim pyrshah iaka jingdawa jong ka KSU, hynrei ngim shym mynjur ne ai kano kano ka rai ban khang ne sangeh iaka jingkhaii bar ri,” ong u ma Lop Pohtam.

“Ka jingplie bad ka jingkhang iaka khaii bar ri ka shong haka sorkar bad ngeit skhem ba ka sorkar kan pynbiang iaki SOP katkum ka jingbthah ka tnad ka koit ka khiah ban tem iaka jingpang khlam COVID-19,” ong u ma Lop Pohtam bad bynrap ba ha kane ka jingialang baka khot ka KSU ym shym la shim kino kino ki rai ban mynjur ban sangeh iaka khaii pateng hapdeng ka ri India bad Bangladesh lyngba ka kad khaii Dawki LCS.