Ngat phatok 9 snem u Ruling Bamon ba leh beijot ia ka khynnah

Syllad | The Rising MeghalayaOctober 30, 2024

Ka Kashari u Special Judge POCSO, East Jaintia Hills District, Khliehriat ka la rai pynrem ia u runar uba kyrteng u Ruling Bamon da kaba set phatok 9 snem phra bnai bad 27 sngi namar ka jingdonkti ha kaba leh beijot ia kawei ka khynnah.

Ka Kashari ka la rai pynrem ia une u runar hapoh ki kyndon jong ka POCSO Act da kaba dain kuna ruh T.30,000.

U Superintendent of Police ka EJH u pyntip ba ia ka case la register hapoh Khliehriat Police Station katkum ka C/No. 164(09)2018 hapoh ka kyndon ain POCSO Act ha kaba la pynkhamti ia ka jingtohkit ha u WPI O Tyngkan.

Ia ka jingtohkit la pynlong ha ka rukom kaba bniah bad la charge sheet katkum ka CS No. 122/2019 dated 31-10-2019.

Kumta hadien ba la pyndep ia ka jingshim bishar ka Kashari u Special Judge POCSO ka la pynbna ia katei ka rai pynrem pyrshah ia utei u runar.