Ngat lai ngut ki nongtuh thuk thuk ha ka shrip ki pulit Ri Bhoi

Syllad | The Rising MeghalayaMarch 27, 2025

Ki pulit ka Ri Bhoi District kiba la trei borbah ban pynduh jait ia ki kynhun runar tuh kali, ha ka 26 tarik Lber ki la ioh ban kem noh ia lai ngut ki suba donkti ha ki kam tuh thuk thuk na ki bynta jong ka District.

Ki arngut napdeng kine kiba la shah kem ia kiba la tip kyrteng kum u Arjun Pohktai ia uba ju khot sin u Fedrick 25 snem rta uba dei na ka shnong Iarbamon kaba hap hapoh PS Pynursla, East Khasi Hills, bad u Stevenson Bareh 25 snem rta na ka shnong Amdoh, West Jaintia Hills la ioh ban kem noh halor ka case ba la register hapoh Umiam Police Station hapoh ka kyndon 303 (2) jong ka Bharatiya Nyaya Sanhita (BNS).

Katba uwei pat u nongtuh thuk thuk uba kyrteng u Wanshemlang Lyngdoh uba dei na ka shnong Mawkynthei, Sohiong, East Khasi Hills u la shah kem noh halor ka case ha Khanapara Police Station bad shah pynngat ha ka kyndon 303(3)/61(2)/317(3) jong ka BNS.

Ka jingtohkit ia kine ki laingut ka dang iaid shakhmat khnang ban lapdien ha kaba iadei bad ki jingjia shah tuh kali.