Ngat ka kynhun rahbor ha ka shrip ki pulit ha SGH, u dkhot ka GNLA-R napdeng 6 ngut kiba shah kem

Syllad | The Rising MeghalayaApril 24, 2024

U dkhot ka kynhun kieng atiar Garo National Liberation Army – Regrouped (GNLA-R), uba dei ruh u nongsylla ba hakhmat eh halor kiba bun ki jingjia shah rahbor ha South Garo Hills u la shah kem noh napoh ka thain kaba pajih jong ka shnong hapoh East Garo Hills District ha ka 22 tarik mynta u bnai.

Hadien ka jingioh jingtip, ki pulit ki la ioh ban kem noh ia u Rongsrang M Sangma 29 snem rta uba dei na ka shnong Gittingre, South Garo Hills District bad ruh u nongsylla ha kiba buntylli ki jingjia shah rahbor ba dan shen ha South Garo Hills u la shah kem noh na ka shnong Rapdikgre kaba hap hapoh Williamnagar police station, East Garo Hills District, ong u SP ka South Garo Hills District u Shailendra Bamaniya ha ka sngi ba Ar kaba bud.

Kham hashwa ki pulit ki la kem noh ia san ngut ki birew kiba la shah kynnoh donkti ha ki kam rahbor ia kiba la tip kyrteng kum u Wilban M Sangma, Withmil S Marak, Sengsrang Ch Marak, Tengsrang Ch Marak bad u Aiber N Sangma.

Da ka jingih kem ia u Rongsarang, baroh kine ki hynriew ngut kiba la shah kynnoh donkti ha ki kam rahbor kila shah kem noh ha ki bor pulit, ong u SP.

Nalor kata u la pyntip ruh ba ha ka jingtohkit la ioh jingtip ba u Rongsrang M Sangma u dei uwei na ki dkhot jong ka kynhun kieng atiar GNLA (R) bad ula leh ia kine ki kam rahbor bad ki kam dawa pisa na South Garo Hills District na ka byna kane ka kynhun.