Ngam jyllop ki shi kmie shi khun ha Wah Umngot Shnongpdeng

Syllad | The Rising MeghalayaOctober 14, 2020

Ki shi kmie shi khun kila ngam jyllop ha Wah Umngot haka shnong Shnongpeng, War Jaintia haka step sngi Balang.

Kine ki shi kmie shi khun ki dei ka Kong Julias Lymba (27 snem) bad ka khun kaba dang 8 snem ka rta ka Tariang Lymba.

Ka khubor kaba iohlum na ki nongshong shnong ka iathuh ba kane ka jingjia kala jia haka por 4 baje mynstep.

Kine ki shi kmie shi khun kila leit ban tong dohkha bad kila jam shilliang iaka wah da ka lieng kynda ryngkat bad 2 ngut ki para nongshong shnong, hynrei ka ka jingkhlain bor ka um ka lieng kala kylla ha ka thwei kaba tip kum ka lad lad (rapid). Baroh 4 ngut ki la hap sha poh um bad ki shi kmie shi khun kila ngam jyllop, katba 2 ngut kila lait da im.

Haduh bala thoh iaka khubor ki nongshong shnong bad ki pulit fire emergency service ki dang iawad ia kine ki shikmie shikhun.