Nang jan ki sngi sha ka final football ka Pdengshakap, yn ai reng ki kynhun kiba kynsai ka rilum Jaintia

Syllad | The Rising MeghalayaApril 2, 2025

Ka jingiakhun final ka ’11th Secondary School Football Knock-Out Tournament 2024-25′ kaba pyniaid da ka Dorbar Shnong Pdengshakap kala nangjan ki sngi bad la khmih lynti ba kan long ka final kaba shongshit bad ka result ka bym poi pyrkhat hapdeng ka lahduh ka WJDSA, ka Nangbah Mulang pyrshah iaka Pohplet FC.

Kane ka jingialehkai kaba pyniaid daka Dorbar Shnong Pdengshakap na ka bynta ban pynmih pisa iaka school kan long haka 5 tarik Iaiong haka por 1 baje nohphaisngi ha madan ialehkai ka shnong Pdengshakap, Amlarem Sub Division.

Ka lahduh ha kane ka final football kan iohrah iaka song pisa kaba T.3.50 lakh bad kaba ar ka long T.2.50 lak

Nalor ka jingialehkai final kine ki ar tylli ki klob ba kynsai ha kane ka tournament, kin don ruh ki jingialehkai pynbyrngia ba kynthup iaka housie, lucky draw bad yn pynshongshit da ka jingrwai na ka Lover Maiong bad ka kynhun naduh ka por 7 baje janmiet.

U Sports Secretary Ma O. Khyriem ula pyntip ba ka Bumper Housie ka khusnam ka long: 1st Prize kan long 1, 00, 000/-, 2nd Prize 20,000/- bad 3rd Prize 10,000/- haka dor 500 tyngka shi ticket.