Nalor ka jinglip bording, duh sa ka solar ka Namdong PHC

Syllad | The Rising MeghalayaMarch 21, 2021

Nalor jinglip ka bording elektrik sa ki solar kim treikam ha PHC Namdong.

Ka KSU Namdong Unit kaba la hiar sha katei ka PHC kala lap ba katei ka PHC ka hap ban shong iaka jingdum haka sngi U Blei.

Ka KSU kala ong ba ki paidbah ba thiah pang kila ud kila nam namar ba ki hap ban thiah pang hapdeng ka jingdum namar ba nalor ba lip ka bording mynta sa ki solar light kane ka hospital kim treikam.

U vice president KSU Namdong Unit u Timing Lyngdoh bad u general secretary Juhhi Tariang kila iathuh ba kitei ki solar ki la duh la kumba 3 taiew eiei.

Ka KSU kala kynnoh shuh shuh ba u doktor jong katei ka PHC um ju sah miet ha katei ka jaka sumar bad kane ka buh jing eh shuh shuh iaki nong thiah pang. Ka KSU kala dawa na ka tnad ka koit ka khiah ban pynbiang iaka bording bad thung doktor bad nongtrei ha kane ka jaka sumar ban suk u paidbah nongthiah pang.