Naduh mynta ka miet yn sangeh trei khlem buh por ki nongtrei EMRI

Syllad | The Rising MeghalayaSeptember 29, 2019

SHILLONG: Ka Meghalaya EMRI Workers Union (MEMRIWU) kala rai ban sangeh trei khlem buh por kaban sdang naduh mynta ka miet naduh ka por 12 baje shiteng synïa Nailur 30, namar ka jingleh mynthi jong ka sorkar bad GVK EMRI ban pynïoh ïaki mat jingdawa ka union wat hadien bala kut ka por bala ai haduh ar bnai.

U Roypar Kharraswai, President MEMRIWU ula ong ba ki dawa naka sorkar ba ka dei ban pyndam noh ïaka GVK EMRI ha kane ka jylla namar kala lehbeiñ shaba palat ïaki nongtrei bad ba ka sorkar dei ban shimti noh hi dalade bad ban pynmih ïaka Emergency Cell haka jylla.

Ka MEMRIWU kala dawa naka sorkar pyndam ïaka GVK EMRI baroh ki nongtrei kim dei ban duh kam bad ka sorkar kadei ban pynthikna ba kane ka GVK EMRI kadei ban siew dep lut Increment bad ka Arrear kaba ki nongtrei ki dei hok ban ioh naduh u snem 2017 nalor kata ban siew noh shuwa ïaka jingtrei ba palat ïaka por trei naduh u snem 2011 jong u bnai Risaw.