Naduh ka 15 tarik u K’Lyngkot yn pyrkhing ka Assam ia ka leit ka wan ki paidbah

Syllad | The Rising MeghalayaJanuary 7, 2022

Kum shi bynta ban teh lakam ia ka jingsdang ban pur sted biang jong ka jingpang COVID-19, na ka liang ka sorkar ka jylla Assam, ka la wan shakhmat ban pynbna ia ki kato katne ki rai ban pyrkhing ne tehlakam ia ka iaid ka ieng ka jong ki paidbah.

Haba iakren bad ki ld pathai khubor mynta ka sngi ha Dispur, na ka liang u Myntri rangbah ka Assam, u Himanta Biswa Sarma, u la pruid dak ia ki kato katne ki jingpyrkhing kaba kynthup ia ka Curfew kaban pyntreikam naduh ka por 10 baje mynmiet haduh ka por 6 baje mynstep.

Baroh ki iew ki hat ne ki dukan kin hap ban khang noh thik haka por 9 baje janmiet.

#AssamCovidUpdate 😷

In view of increasing #COVID19 cases, GoA has issued an SOP containing guidelines for containment of the pandemic:

▶️ Curfew will be imposed from 10 PM to 6 AM everyday. Business/commercial establishment will not function post 9 PM.

Please co-operate 🙏 pic.twitter.com/OO0I98jDFK

— Himanta Biswa Sarma (Modi Ka Parivar) (@himantabiswa) January 7, 2022

Ki kali kamai ne ba kit ba bah ia ki riew paidbah kin hap ban bud ryngkhi bha ia ki kyndon jong ka COVID-19 appropriate behaviour, bad baroh ki kali ba kamai na kawei ka distrik sha kawei pat yn shah ia ki ba kin kamai da kaba ki lah ba kin kit kin bah tang ia ki briew ba la pyntikna ba ki la dep ban ai pura baroh arsien ka tika ne ka COVID vaccination.

Sa kawei ka kyndon kaba kham pytrkhing bad ban pyntreikam pura ka long man la ki briew ki donkam ban deng tisa ia la ki jingda khmut ne ki mask haba ki mih shabar na la ki iing ki seng  ki jong ki.

Kumta kane ka jingpynbna da ka sokar Assam, kan long artad kum ka khubor ba ki paidbah ka jylla ba leit ba wan bha sha Assam ba kin tip ban sngewthuh shai ia kaei kaba ki donkam ba kin leh nangne shakhmat.

Photo Credit: Twitter