Na u CM Conrad yn leit dawa ka Dorbar Ki Waheh Kur Ri Jaintia ban pyndam iaka kyntien synteng naka ST Order 1950
Ka Dorbar ki Waheh Kur Ri Jaiñtia kala rai ban dawa na u Myntri Rangbah ka Jylla Conrad K Sangma ban pyndam iaka kyntien ‘Synteng’ naka thup ka Schedule Tribe Order jong u snem 1950.
La rai bad dawa ban weng iaki jaitbynriew bym dei ki trai ri trai muluk ka Meghalaya na ka thup Schedule Tribe ka Jylla.
Ia kane ka rai, ka Dorbar ki Waheh Kur Ri Jaiñtia, kala shim haka jingialang 1st Annual Genreral Meeting kaba la long ha Iungwalieh ka Chilliangraij haka 21 tarik Jylliew.
La rai ruh ban kyrpad biang ia u CEM bad ki EM jong ka Jaintia Hills Autonomous District Council (JHADC) ban khot iaka Dorbar ki Waheh Kur Ri Jaiñtia ban shna ain noh iaki Kur kiba la dep pynrung shaka JHADC.
Haka jingialang kaba la pyniaid da u President Ma K. Lamsalanki Pariat, ka Dorbar ki Waheh Kur Ri Jaiñtia kala pynpaw ka jingsngewdiaw halor ka jingbym ithuh ka JHADC iaki Kur, ki Waheh Kur bad ki Seng Kur.
Ha kane ka sngi ka Dorbar ki Waheh Kur Ri Jaiñtia kala pynthymmai ruh iaki dkhot nongkitkam 2025-2027 ha kaba la pynskhem ia u President ia u Ma Khroo L Pariat, Vice President Ma Pyrkhat Shylla bad Ma Jesper Bareh, General Secretary Ma GH Bareh, Assistant General Secretary Ma Kitlang Lato, Ma Kmenlang Myrchiang bad Ma Carmel Suchiang.
La pynskhem Treasurer ia u Ma Abut N Muksor, Adviser Ma Erwin K. Syiem Sutnga bad Ma Shell Sing Langi bad 10 ngut ki dkhot Executive Dorbar.
Facebook
Instagram
Youtube
Twitter
Leave a Reply