Na Assam ioh kem ki pulit ka EJH ia u nongbei tyngka halor ki kam khaii drok

Syllad | The Rising MeghalayaAugust 31, 2023

Ha ka jingtohkit bniah halor ka jingiadei bad ka Khliehriat PS Case No. 48 (6) 2023 u/s 21 (c)/29 NDPS Act, ki pulit ka East Jaintia Hills ha ka 30 tarik mynta u bnai ki la ioh ban kem noh ia u Jhangir Alom na Lakhipur, Assam namar ka jingdonkti ha kaban bei tyngka ban pynioh ia u drok na ka bynta ban pyniaid iew beain.

Hadien la wanlam noh ia une u briew shapoh Khliehriat bad leit rah hakhmat ka Kashari hapoh Khliehriat.

Na ka liang u Jagpal Singh Dhanoa, IPS, Superintendent of Police ka EJHD, lyngba une u kyrwoh u pynkynmaw ba ha ka 19 tarik u Jylliew 2023, ki pulit ka East Jaintia ki la ioh ban kem ia arngut ki nongkhaii drok ia kiba la tip kyrteng kum u Biaklian Guite bad u Imliakum Longkumer, napoh petrol pump BMS, Nongsning katba ki dang wan da ka kali Tata winger kaba don ia u Regn No. NL-07-T-0815 ha kasba ki pulit ki la ioh ban kurup noh na ki ia u drok Heroin uba don haduh 2.738 kilo.

Kine kiba la shah kem, kata u M. Tuanbiaklian Guite (32) u dei napoh Churachandpur, Manipur katba u Imliakum Longkumer (40 snem rta) u dei napoh Dimapur, Nagaland katba u Jhangir Alom (34 snem) u dei napoh Lakhipur, Goalpara, Assam.