Mytnta ka sngi ka jingiakhun semifinal Inter School Invitational Futsal Competition ka Seng Khasi College

Syllad | The Rising MeghalayaMay 19, 2023

Ka Seng Khasi College kaba don hapdeng ka jingrakhe ia ka Golden Jubilee ka jong ka, ka la lah pat ha kaban pynlong sa ia ka Inter School Invitational Futsal Competition naka bynta ki khynnah shynrang.

Kane ka jingiakhun kaba la sdang hynnin ka sngi kala poi sha ka phainal ha kaba ka Pearly Dew kan iakhun pyrshah ia ka Seng Khasi College bud pat sa ka jingiakhun hapdeng ka Christian Academy pyrshah ia ka Mawlai Presbyterian HSS.

Kane ka jingiakhun semifinal kan long mynta ka sngi 19 tarik ha madan Weiking.

Haba phai sha ki resol na ka jingiakhun ha ka sngi ba nyngkong ka Pearly Dew Hr. Sec. School ka la lah ba kan pynliem noh ia ka St Dominic Higher Secondasry School da 1-0, ha ka jingialehkai kaba ar ka Christian Academy Hr. Sec. School ka la lah ba kan pynliem noh ia ka Seng Khasi Higher Secondary School da 3-2, katba ki khynnah ka Seng Khasi College ki la lah ban pynliem ia ka Government Boy’s Higher Secondary School da 4-1 bad ka resol na ka jingialehkai ba khatduh jong ka sngi ka long ba Mawlai Presbyterian Higher Secondary ka la lah ba kan pynliem noh ia ka Sacred Heart Hr. Sec. School da 6-3.