Myntoi ki phew ngut ki samla na ka career counselling ha Sohkha Mission

Syllad | The Rising MeghalayaAugust 17, 2024

Ka Sohkha Mission Village Durbar Shnong ryngkat ka jingiatreilang ka ophis Deputy Commissioner West Jaintia Hills District (Planning Department), haka 16 tarik Nailar kala pynlong daka Career Counselling Programme hapoh ka Chief Minister’s Youth Development Scheme 2022-2023.

Ha kane ka program la wan ai jingkren bad ai jinghikai da u Bah L Suchen Skill Development Officer West Jaintia Hills District haka jingdonlang ka kongsan ka Kong D. Khonglah Secretary Meghalaya International Chambers Commerce.

La pyniaid iaka jingialang da u Bah VL Gadew bad la ioh ka jingkren na u waheh shnong Bah PS Suchen kumjuh na ka Dr. Rimika Lanong Assistant Teacher Sohkha Govt. Higher Secondary School, Sohkha.

U Bah M. Manner General Secretary Sohkha ula pyntip ba ha kane ka Career Counseling la ai jingpynshai iaki khynnah pule ha ka ban jied ia ki laiñ pule ha ka Arts Science & Commerce bad kiwei kiwei ki lain pule. Nalor katei, la ai jingpynshai ruh haba iadei bad ki Competitive Exams kum ka UPSC, MPSC, SSC bad kiwei kiwei.

Ha kane jingiasyllok la myntoi da ki phew ngut ki samla pule na ka bynta ban iaid shaphrang haka lain pule puthi jongki ban jop haka jingim pule puthi.