Myntoi da ki phew ngut ki khynnah skul na ka Winter Camp & Youth Leadership Training ka Scouts & Guides ha West Jaintia Hills

Syllad | The Rising MeghalayaDecember 14, 2022

Ki khynnah pule jong ki skul bad College kiba don hapoh ka West Jaintia Hills District kiba la pyniasoh kum ki Scouts-Guides, Rovers-Ranger naduh ka 8tarik haduh ka 12 tarik Nohprah ki la iashimbynta ha ka 7^th Winter Camp & Youth Leadership Training ba la pynlong ha shnong Mukhla hapoh ka jingpeit jingpyniaid ka Meghalaya Bharat Scouts & Guides, West Jaintia Hills.

Ia kane ka 7^th Winter Camp & Youth Leadership Training lawan ban plie pyrda da ka A.P.Syiem, District Chief Commissioner  & District School Education Officer, West Jaintia Hills kum ka kongsan ha ryngkat ka jingiadonlang ka Saramai Tariang, Vice-President MBS&G, West Jaintia Hills kum ka symbud kongsan bad u Adiam U Bthuh, District Secretary MBS&G West Jaintia Hills katba u W.Lyngdoh, State Secretary MBS&G, State Headquarter Shillong ha ka 11tarik Nohprah u la wan ban iadonbyntalang kum u kongsan ha ka Grand Campfire.  

Ha ki san sngi jong kane ka 7^th Winter Camp & Youth Leadership Training ki khynnah Scouts-Guides, Rovers bad Ranger ki la ioh shibun ki jinghikai bad jingtip shaphang ka Scouts-Guides Movement  kiba kynthup ia ka rukom teh tyllai (Knoting & Lashing), rukom shna ia ki jaka buhtiar buhtar (Gadget) haba don ha ki Camping, First Aid, Trekking, Whistle Signal, Estimation, Compass & Mapping bad ruh ki bynta ba iadei bad ka Youth Leadership.

Ki Unit Leaders kiba la wan ban iadonbynta bad ruh ban ai ki jinghikai kyrpang ha ki  san sngi jong kane ka prokram ki long u Pet Dhar, u Julius Lyngdoh, u Carefully Gassah, u Teilangki Rymbai, u Sonniwel Shylla wa u Adiam U Bthuh kiwa man kam ki Scouts Master neitae ki Guides Captain wan toh ka Caredaline Kharbhih, ka Barisha Muthoh, ka Morinda Myrphet, ka Grecorisa Sana, ka Aidasuk Warlarpih, ka Stamlish Hinge, Ka Sngi Hadia ka Barisha Muthoh, ka Siami Shylla, Lamisakani Dkhar, ka Chwadaka D.Laloo wa ka Marjuri Thma.

Ki Scouts-Guides, Rovers-Rangers ha kane ka prokram wat la ki shong ki sah ki thiah ki dem ha ki iingsherdara (tent) hapdeng ka jingkhriat jong ka tlang, da ka jingiatylli bad sngewieit kum shipara ki pyndep ia la ki jong ki kamram ba la buh naduh mynstep haduh ka por mynmiet.