Myntoi 300 iing ha Moodymmai bad Tyrshang na ka jingsam tin sop iing u Dy CM

Syllad | The Rising MeghalayaMay 10, 2025

U Symbud Myntri rangbah ka Jylla bad MLA Nartiang, u Ma Sniawbhalang Dhar ula bteng ban sam iaki tip sop iing shaki longiing jong ki shnong kiba hap hapoh ka 1-Nartiang Constituency.

Ha kane ka 9 tarik Jymmang u Ma Sniawbhalang ula sam iaki tip sop iing shaki 310 ki longiing jong ka shnong Moodymmai bad Tyrshang haka jingdonlang ki nongialam shnong bad dkhot shnong.

Ki 310 tylli ki longiing ryngkat ki nongialam shnong jong ki ar shnong naduh u Ma Chanbor Dkhar, Ezakiel Laloo, Kerson Talang, Buhbha Dkhar, Charles Lyngdoh, Mayan Siangshai bad George Pariat, ki la pynpaw ka jingsngewnguh iaka jinglehbha jong u MLA iaki paidbah nongshong shnong khamtam hakum kane ka aiom slap bad phria.

Kila kitbok kitrwiang ia u MLA ba un nanglah shuh shuh ban wanrah iaki jingmyntoi iaki nongshong shnong ka 1-Nartiang Constituency.