Mynta ka sngi ka final Inter School Athletic Meet ha Jowai

Syllad | The Rising MeghalayaMay 3, 2024

Ka District Level Inter School Athletic Meet 2024 kala jam noh sha ka sngi kaba lai ne ka sngi kaba khatduh ban iakhun iaki final mynta ka sngi (3 tarik Jymmang) ha madan Kiang Nangbah Stadium.

Haba phai sha ka jingialehkai haka sngi ba ar haka 2 tarik Jymmang, ki katto katne ki resol; haka jingiakop High Jump jong ka kyrdan Under-14 naka liang ki shynrang la jop da u Archemi Shylla Govt. Boys HS School, ba ar Stickler Phawa Don Bosco Secondary School bad ba lai Felixson Syrti Govt. Boys HS School.

Katba na ka liang ki kynthei la jop da ka Peacefully Pohplet North Liberty HS School, ba ar Parimika Khongngain North Liberty HS School bad ba lai Precento-les-de-el Myrchiang Jaintia HS School.

Haka jingiakop mareh kaba 300 metre jong ka kyrdan Under-16 na ka liang ki shynrang la jop da u Erickson Shylla na HK.Singh Memorial Sec School, ba ar Khrawborlang Lyngdoh North Liberty HS School bad ba lai Pynbiangmiki Dkhar Jingshai Mihngi Adventist Sec School.

Katba haka liang ki kynthei la jop da ka Eladmiki Ksoo North Liberty HS School, ba ar Daphi Dkhar bad ba lai Dakini Shylla Sabahmuswang UP SSA.

Haka jingiakop Discuss Throw jong ka kyrdan Under-18 naka liang ki shynrang la jop da u Victor Mayanglambam na JNV Mukhla School, ba ar Shemphang Synnah North Liberty HS School bad ba lai Nickyboy Swer North Liberty HS School.

Katba na ka liang ki kynthei la jop da ka Ribathiang Dkhar St. Mary Mazzarelo Girls HS School, ba ar Ribanika Saioo Tome Memorial Sec. School bad ba lai Jingshaihun Ksoo Little Flower HS School.